Stortingsval i år. Og eg er gammal nok til å stemme. Og eg vil jo gjerne stemme, og kunne være med på bestemme i Noreg. Problemet er berre det at eg ikkje har noko positivt inntrykk av politikken i Noreg. Eg er ueinig med dei fleste parti, på veldig mange punkt, og dei eg er einige med held ikkje lovnadane sine. Forresten er eg ikkje sikker på om nokon held lovnadane sine. Korleis skal ein person klare å stemme? Ja, me er heldige som har stemmerett, og ikkje slit, som visse andre land, men det å faktisk velje er vanskeleg, eg vil seie det er nesten umogleg. Det verkar på meg som om me vel "the lesser of two evils".
Korleis skal ein stakkars syttenåring klare å setje seg inn i alt det politiske? Eg prøvar jo, men eg forstår ingenting. Ikkje er ting logiske, og det at folk har eitt fint smil (
som til dømes han her) vil ikkje automatisk seie at ein har rett (ingen kritikk retta mot Solhjell der).
No skal eg sjekke kva eg kan finne ut om forskjellege parti, berre ved å stikke innom nettstadane deira, med eitt lite input av tilfeldige ting her og der. Eg kjem til å fokusere på skule, og nynorsk.
Venstre vil at me skal vere miljøbevisste; "
vi vil gi våre barn og barnebarn minst like gode muligheter til ren natur som vi selv har hatt." og dei vil styrke den offentlege skulen "
særlig gjennom å gjenreise respekten for læreren og fagkunnskapen." Om eg søker på sidemål på
venstre.no så får eg opp berre eitt treff, så no er eg nyskjerrig på kva som kjem til å stå der. "
Venstre vil styrke norskfaget og bevare både hovedmål og sidemål. Lærebøker og programvare skal foreligge på begge målformer, til samme tid og pris."
At det er den einaste nemninga av sidemål på sida til eitt kjent parti verkar for meg heilt idiotisk. Og at det som står der er heilt unødvendig. Den fyrste setninga er jo grei, at dei vil styrke norskfaget og bevare begge skriftspråk. Men den andre
burde vere unødvendig. Norske elevar har lovfesta rett på lærebøker til rett tid. Me ventar i spenning og ser kva som skjer med nynorskbøkene til hausten.
Til slutt må det nemnast at vevsida til Venstre finst på bokmål og engelsk. Bokmål og nynorsk er dei to skriftspråka som er brukt i Noreg, trudde eg. Forstår ikkje kva ein treng ein engelsk versjon av sida til eitt norsk politisk parti, for.
Høgre ser ut til å ha mykje fokus på mangfald. Alle er forskjellege, og ikkje det same passar til alle. Ein skal ha fridom. Dei er også opptekne av at politikarane ikkje skal gjere så mykje i eitt samfunn. "
Når politikerne skal styre alt blir det mindre tid og ressurser til å løse de store og viktige oppgavene. Høyre er opptatt av at det må settes grenser for politikk." Når det kjem til skule gjer høgre det enkelt. Dei vil ha "
en kunnskapsskole der ingen elev skal bli hengende etter."
Korleis skal dei oppnå det?
"
Avvikle detaljerte lærerplaner, og la den enkelte lærer få bestemme metode for å gi eleven den nødvendige kunnskap".
No prøver eg å søke på sidemål på
Høgre si side. Eg fekk opp to treff. "
Inge Lønning er i tvil om den obligatoriske opplæringen i skriftlig sidemål er et fremtidsrettet bidrag i arbeidet for å styrke norsk skriftkultur, og mener at en større del av opplæringen innenfor norskfaget med fordel kan konsentreres om vår felles nasjonallitteratur." Meir kronglete går det vel nesten ikkje å seie det? Og kva er dette med "
Inge Lønning er i tvil" vil ikkje Høgre stå for meiningane til Inge Lønning? Er det eitt "sikkerheitsnett"? Eg kjem ikkje til å forstå meg på dette. Nokon gong. "
Om du stryk i fransk er det din feil. Det veit alle. Men om du stryk i nynorsk er det heilt komisk, og utan tvil nynorsken sin feil. Det veit også alle." Skal me sleppe å lære bokmål? Neppe. For me "må" jo ha det, om me skal sende brev til ein offentleg anstalt. Det verkar i alle fall sånn. Om du sender eitt offentleg brev på nynorsk har du
krav på å få svar på samme skriftspråk. Det skjer ikkje no. Me har ikkje vondt av å lære to skriftspråk, og dei som meiner at dei gjer det er, unnskuld meg, ein gjeng med sutrete dritungar. Uansett.
Nettsida til høgre er i samme stand som den til venstre.
Sosialistisk Venstreparti. Eg forventar at dei skal vere interesserte i skule, sidan kunnskapsminister Bård Vegar Solhjell er SV'ar. Dei vil "
skape en skole som gir alle elever muligheten til å lykkes". Korleis vil dei gjere det? Dei vil mellom anna utvide skuledagen på grunnskulen, og innføre gratis skulemat, i tillegg til at dei vil innføre SFO med gratis leksehjelp. Kvar skal pengane komme frå? Eg har ikkje peiling, og det stod ikkje akkurat der eg såg, heller.
Når eg søkjer på "sidemål" på
nettstaden til SV får eg 4 treff. "
Likestilling mellom målformene nynorsk og bokmål er eit viktig prinsipp som må gjelde for alle område i det moderne medie? og teknologisamfunnet vårt. SV vil arbeide for fleire nynorskbøker for førskuleborn og fleire gode norske dataspel for born med norsk språk og innhald. SV vil styrkje nynorskopplæringa både som hovud? og sidemål. Læremiddel, både bøker og dataprogram, skal finnast på begge målformer. Forlaga må straffast dersom nynorske læremiddel kjem seinare enn bokmålsversjonen. Nynorskspråklege studentar skal ha rett til å få eksamensoppgåver på nynorsk på alle utdanningsinstitusjonar. For å sikre sosial og kulturell integrering av minoritetsspråklege i nynorskområde må det utviklast fleire og betre læremiddel på nynorsk for dei.
Eit særleg viktig tiltak for vidare styrking av nynorsk er eit allment leksikon på nynorsk på internett. SV vil òg, som mållova seier, styrkje stillinga til nynorsken i det offentlege. SV sluttar opp om arbeidet med ein norsk språkbank.
SV vil arbeide for at dei samiske skriftspråka blir sikra ei levedyktig utvikling. Minoritetsspråka i Noreg må òg få høgare status i det offentlege rommet."
No gidd eg ikkje fleire parti.
Veit du mykje om norsk politikk? Skal du stemme i år?
